Qoşulmama Hərəkatında Azərbaycan imzası
Qoşulmama Hərəkatında Azərbaycan imzası
"Yarım əsrdən çoxdur ki, Qoşulmama Hərəkatı bəşəri dəyərlərin təbliği ilə məşğuldur.
Dünyanın ən böyük təşkilatlarından olan Qoşulmama Hərəkatı dünyada sabitlik,sülh və
təhlükəsizliyin bərqərar olmasında vacib rol oynayır.Qoşulmama Hərəkatı beynəlxalq hüququn
normalarına, ərazi bütövlüyü prinsiplərinə, bütün üzvlərin suverenliyinə və müstəqilliyinə sadiqdir."
İlham Əliyev
Bəlli həqiqətdir ki, Azərbaycan dünya siyasətində layiqli yerini tutmuşdur. Böyük güclərin başçıları cənab Prezidentimizin qətiyyətini dərk edir, onun idarəçilk qabiliyyətinə dəyər verirlər. Buna görədir ki, səsimiz uca tribunalardan gəlir və onu həvəslə dinləyənlər ildən-ilə çoxalır.
Tarixə kiçik bir rakus edərək qeyd edirəm ki, Azərbaycan 2011-ci ildə Qoşulmama Hərəkatına tamhüquqlu üzv qəbul olunmuşdur. Hərəkata üzv ölkələrin 2016-cı ildə Venesuelada keçirilmiş Zirvə görüşündə 2019-2022-ci illər üzrə sədrliyin Azərbaycana həvalə edilməsi barədə yekdil qərar qəbul olunmuşdur. BMT-nin Baş Assambleyasından sonra ikinci ən böyük beynəlxalq təsisat olan və 120 dövlətin təmsil olunduğu Qoşulmama Hərəkatına üzvlükdən qısa müddət sonra ölkəmizin sədrlik etməsi üzv dövlətlərin Azərbaycana olan etimadının və ölkəmizin beynəlxalq nüfuzunun artmasının, eləcə də Azərbaycanın qlobal səylərinin beynəlxalq ictimaiyyət tərəfindən dəstəklənməsinin parlaq nümunəsidir.
Azərbaycan Respublikasının Prezidenti və Qoşulmama Hərəkatının sədri cənab İlham Əliyevin təşəbbüsü ilə 2020-ci il mayın 4-də Qoşulmama Hərəkatının koronavirusa qarşı mübarizə üzrə Təmas Qrupunun videokanfrans vasitəsilə Zirvə görüşü keçirilmişdir. Zirvə görüşündə bir sıra ölkələrin prezidentləri, baş nazirləri, xarici işlər nazirləri, habelə BMT-nin Baş Assambleyasının Prezidenti, ÜST-nin Baş direktoru çıxış etmişlər. Həm də BMT-nin Baş katibi və Avropa Komissiyasının ali nümayəndəsinin - vitse-prezidentinin videomüraciətləri səsləndirilmişdir.
Bəllidir ki, koronavirus pandemiyası dünyanın başını əməlli-başlı qatmış, bir çox rəhbərlərin acizliyini üzə çıxarmışdır. Belə bir şəraitdə cənab İ.Əliyev müdriklik göstərərək birlik yaratmışdır. Özünün müəllifi olduğu "Biz birlikdə güclüyük" şüarını sözdə yox, əməldə də sübüt etmişdir.
Təəsüflər olsun ki, qlobal əməkdaşlığa güclü ehtiyac duyulduğu bir şəraitdə dövlətlər, eləcə də bir sıra beynəlxalq və regional institutlar çaşqınlıq içərisində qalaraq beynəlxalq həmrəyliyi nümayiş etdirə bilmədilər . Hazırda qlobal liderliyə ehtiyac duyulduğu bir şəraitdə Prezident İlham Əliyev təşəbbüs irəli sürdü və " özünə qapanma sindromunun" heç kəsə xeyir gətirməyəcəyini nümayiş etdirərək dünyanın dörd bir yanından müxtəlif siyasi və ideoloji quruluşlara malik ölkələri bir araya gətirməyə nail oldu. Bu gün biz əyani şəkildə Qoşulmama Hərəkatının fikir mübadiləsi, qlobal həmrəylik və əməkdaşlıq üçün səmərəli platformaya çevrildiyinin şahidi olduq.
Möhtərəm Prezidentimizin Zirvə görüşünün keçirilməsi ilə bağlı təşəbbüsünü üzv dövlətlər bəyəndilər. 40-a yaxın dövlətin mötəbər siyasi şəxslərinin sözügedən tədbirdə iştirakı Azərbaycanımıza və onun Prezidentinə olan inamın, etibarın və etimadın parlaq göstəricisidir.
Məlumdur ki, Azərbaycan çoxtərəfli diplomatiyanın və mültilareralizmi təşviq etməsi üçün dünya birliyi tərəfindən bəyənilir. Bir faktı yazmaq yerinə düşər ki, Zirvə görüşündə 40-dan çox dövlətin məsul şəxsinin iştirakı Prezidentimizin şəxsi nüfuzunun, siyasi təcrübəsi və uğurlu siyasətinin nəticəsidir. Qəbul olunmuş bəyannamədə dəyərli və zamanında irəli sürülmüş təşəbbüsə görə cənab İ.Əliyevə minnətdarlığın öz əksini tapması buna gözəl misaldır.
BMT Baş katibi Azərbaycan Prezidentinə belə bir görüşü vaxtında çağırdığına görə təşəkkürünü bildirdi. Bu, BMT-nin Prezidentimizin səylərini dəstəklədiyinin göstəricisidir.
Çoxları bilir ki, Azərbaycan bundan əvvəl də videokonfrans formatında zirvə görüşü keçirmişdir. Belə ki, Azerbaycan Respublikasının Prezidenti Türkdilli Dövlətlərin əməkdaşlıq Şurasının sədri İlham Əliyevin təşəbbüsü ilə aprelin 10 - da Türk Şurasının videokonfrans vasitəsilə Fövqəladə Zirvə görüşü keçirilmişdir. Türk Şurası dünya miqyasında ilk beynəlxalq təşkilatdir ki, dövlət başçıları səviyyəsində koronavirus pandemiyasına həsr olunmuş Zirvə görüşünü keçirmişdir. Artıq Türk Şurası çərçivəsində 3 istiqamət: səhiyyə, nəqliyyat və iqtisadiyyat üzrə əməkdaşlıq mövcuddur .
Turk Şurasının Zirvə Görüşündə çıxış zamanı cənab Prezident haqlı olaraq vurğuladı ki, "pandemiyanın ilk günlərindən etibarən bəzi ölkələr və beynəlxalq təşkilatların koronavirus qarşısında çaşqın qalmasının, özünəqapanma yolunu seçməsinin şahidi olduq". Belə bir təhlükənin hər kəsin qapısını döydüyü və multilateralizmin, demək olar ki, can verdiyi şəraitdə belə Prezident İlham Əliyev nümunəvi addım ataraq pandemiyaya yalnız qlobal əməkdaşlıq və həmrəylik sayəsində qalib gəlməyin mümkünlüyünü dünyaya nümayiş etdirdi.
Dünya birliyinin məsuliyyətli və etibarlı üzvü kimi Azərbaycan koronavirus təhlükəsinin ilk günlərindən etibarən qlobal həmrəylik çağırışlarına dəstək vermişdir. Azərbaycan koronavirusa qarşı qlobal mübarizəyə dəstək olaraq Ümumdünya Səhiyyə Təşkilatına könüllü maliyyə yardımı ayırmışdır. Eyni zamanda, əlavə olaraq Ümumdünya Səhiyyə Təşkilatına bir daha könüllü maliyyə töhvəsi ayrılacaqdır ki, bu dəstək zəruri ehtiyacların qarşılanması üçün koronavirusdan ən çox zərər çəkmiş Hərəkat üzvlərinə yönəldiləcəkdir .
Azərbaycan tərəfindən bir sıra ölkələrə də ikitərəfli əsasda yardım həyata keçirilmiş və keçirilməkdədir.
Koronavirus infeksiyası hər bir dövləti ciddi sınaq qarşısında qoymuşdur. Bəzisi bu sınaqdan layiqincə çıxmaqdadır, bəzisi isə çoxsaylı insan itkisi ilə. Ümumdünya Səhiyyə Təşkilatının Baş direktoru Tedros Adhanom Qebreyesus tərəfindən 2 dəfə Prezidentimizə ünvanladığı məktubda Azərbaycanda görülmüş işlərə yüksək qiymət verilmişdir. Azərbaycan pandemiyaya qarşı görülmüş tədbirlərə görə nümunəvi ölkə kimi dəyərləndirilmişdir. Prezident İlham Əliyevin gördüyü qabaqlayıcı tədbirlər sayəsində bu gün koronavirusa qarşı ən effektiv mübarizə aparan ölkələrdən söz açdıqda Azərbaycanın adı birincilər cərgəsində gəlir. Eləcə də effektiv nəticələrə görə Azərbaycanda koronavirusa qarşı aparılan mübarizə beynəlxalq səviyyədə təqdir olunur. Azərbaycan Prezidentinin yaranmış vəziyyətin sosial - iqtisadi sferaya çətinlik yaratmaması ilə bağlı verdiyi qərarlar da Avropa Yenidənqurma və İnkişaf Bankı tərəfindən müsbət qarşılanır.
Onu da vurğulamaq xoşdur ki, Avropa İttifaqı rəsmisinin Zirvə görüşündə iştirakı və çıxışı Qoşulmama Hərəkatı tarixində ilk dəfə olmuş hadisədir. Cənab Prezidentimiz daim bir-biri ilə əks qütblərdə olan Qoşulmama Hərəkatı ilə Avropa İttifaqını koronavirus təhlükəsi zamanı bir araya gətirməyə müvəffəq oldu. Bu da böyük ustalıq nişanəsidir.
Yuxarıda yazdığım faktlar Prezident İ.Əliyevin rəhbərlik etdiyi Azərbaycanın dünya müstəvisində nüfuzunun, siyasi çəkisinin daim artdığını göstərir.
Səsin ucadan gəlsin və eşidilsin, Azərbaycanım, Prezidentim!
Ədalət Əsədov-
"Tərəqqi" medallı,
Əməkdar müəllim
