Cənab Prezidentin qətiyyəti dövlətçiliymizin möhkəmlənməsinə xidmət edir .
Cənab Prezidentin qətiyyəti dövlətçiliymizin möhkəmlənməsinə xidmət edir .
Müasir Azərbaycan dövlətinin qurucusu Ümummmilli lider Heydər Əliyevin varisi Cənab Prezident İlham Əliyevin müdrik və uzaqgörən siyasəti nəticəsində dövrünün çiçəklənmə mərhələsinə qədəm qoymuşdur . XX əsrin sonlarında Ulu Öndərin rəhbərliyi ilə dövlətçilik ənənələrinin möhkəmlənməsi , hüquqi dövlət quruculuğu sahəsində nəhəng fəaliyyət prezidentimiz tərəfindən son 17 illik dönəmdə uğurla davam etdirilmiş , özünün həqiqi zirvəsinə yüksəlmişdir . Birmənalı olaraq qeyd etməliyik ki , cəmiyyət həyatının bütün sahələrində illərdir prosesual xarakter alan inkişaf meyilləri , sosial həyatda , iqtisadi mühitdə müşahidə edilən müsbət dinamika birbaşa dövlət başçısının rasional idarəçilik prinsiplərinin tətbiqi ilə əlaqəlidir .
Cənab Prezidentin idarəetmə fəlsəfəsində sosial ədalət , şəffaflıq , vətəndaş məmnunluğu dövlət idarəçiliyinin başlıca meyarları olmuşdur . Keçən dönəmə nəzər yetirdikdə hər bir vətəndaşımız bu meyaraların seqmentlərini öz həyatlarında bariz müşahidə etmişlər . Son prezident seçkilərində cənab prezidentin seçki proqramında dövlət – vətəndaş münasibətlərində şəffaflığın tam mənada təmin olunması , sosial və iqtisadi sahədə , dövlət idarəçiliyi və kadr siyasətində islahatlar konsepsiyası özünə mühüm yer qazanmışdır . Xalqın mütləq əksəriyyətinin etimadını və inamını qazanmış cənab prezidentin kəskin iradəyə söykənən islahat xətti məhz qeyd edilən konsepsiyanın icrasının nəticəsidir .
Bu gün cəmiyyətimizin bütün sahələrində Cənab Prezident İlham Əliyevin və ölkəmizin birinci-vitse prezidenti Mehriban xanım Əliyevanın rəhbərliyi altında islahatlar genişlənən xətlə davam etdirilir. Şəffav və operativ dövlət idarəçilik mexanizminin tətbiqi , iqtisadi və məhkəmə-hüquq sahəsində qanunçuluğun möhkəmləndirilməsi , korrupsiya və rüşvətxorluq hallarına qarşı hüquq- mühafizə orqanlarının amansız mübarizəsi dövlətçiliyimizin daha da möhkəmlənməsinə xidmət göstərir.
Hər bir cəmiyyətin inkişafının qarşısını kəsən müxtəlif amillər vardır . Dünyanın bütün cəmiyyətlərində müşahidə edilən bu amillərin ən eybəcəri və zərərlisi korrupsiya və rüşvətxorluqdur . Hələ Ulu Öndər Heydər Əliyevin Azərbaycana rəhbərlik etdiyi birinci dönəmdə bu zərərli , neqativ hallara qaşı amansız mübarizəsi ümumittifaq sərhədlərini aşaraq çox geniş əks səda və heyrət doğurmuşdur . Ümummilli lider müstəqil Azərbaycanı yaradandan sonra da bu istiqamətdə daim böyük əmək sərf etmiş , dövlətin ümumi inkişafına mane olan bu cür hallara qarşı kəskin mübarizə aparmışdır. Tam əminliklə deyə bilərik ki, indi bu siyasəti cənab prezident uğurla davam etdirir. Cənab Prezidentin bütün çıxışlarına , məmurlar və ictimaiyyət qarşısında söylədiyi fikirlərə diqqət yetirdikdə onun bu cür neqativ hallara qaşı sistemli və institusional mübarizə apardığını görürük. ASAN xidmət layihəsinin ölkəmizdə tətbiq edilməsi, Baş Prokururluq yanında anti-korrupsiya idarəsinin yaradılması buna bariz nümunədir .
2019-cu il başlayandan Prezident İlham Əliyev hakimiyyəti dövründə apardığı islahatçı xətti daha da dərinləşdirdi. Biz bunu ölkə başçısının uzaqgörənliyinin və müdrikliyinin , qətiyyətinin inqilabı məzmunu da adlandıra bilərik. Bunu həm də cəmiyyət və hökumət arasındakı bürokratik əngəlin açılması da demək olar. Kadr islahatlarının intensivləşdirilməsi , gənclərin mühüm dövlət idarəçiliyinə cəlb edilməsi eyni zamanda gənc nəsillə yaşlı nəsil arasında ənənəvi varislik bağlarının güclənməsinə xidmət edən vacib prosesdir . Bununla paralel olaraq Cənab Prezident bütün məmurlara son xəbərdarlığını da etdi - xalqla olmaq , etimadı doğrultmaq , insanların problemlərini həll etmək . Bu əslində yeniləşən Azərbaycanın dövlət idarəçiliyinin keyfiyyətçə əlavə stimullar qazanması , nəzərdə tutulan islhatlatların praktik nəticələrinin əldə edilməsi istiqamətində ən yüksək səviyyədə atılacaq addımların anonsu idi.
Azərbaycan dövləti həmişə xalqın yanında olub. Cənab Prezidentin rəhbərliyi ilə bütün zamanlarda vətəndaşların problemlərinin həlli istiqamətində çoxşaxəli siyasi xətt əsas götürülmüşdür. Xüsusi ilə aztəminatlı əhaliyə dövlətimizin diqqəti və qayğısı ilbəil daha geniş miqyas kəsb etməkdədir. Bizlər bunu 2008-ci ildə və 2015-ci ildə dünyada baş verən qlobal iqtisadi böhranlarda daha bariz şəkildə müşahidə etdik. Ölkə başçısının qətiyyəti sayəsində Azərbaycan bu böhranlardan uğurla çıxmağa nail oldu. Cənab prezidentin təşəbbüsü və tapşırığı ilə yerlərdə minlərlə ictimai iş yerləri açıldı. On minlərlə inamımızın əmək məşğulluğu təmin edildi. Bu proses bu gün də genişləndilmiş şəkildə davam etdirilməkdədir. İndi isə dünyada yeni bəla tüğyan edir . Bunun adı yeni növ koronavirus- COVİD-19-dur . Bütün dünyada sosial və iqtisadi problemlərə səbəb olan pandemiya ölkəmizdən yan keçmədi. Buna baxmayaraq Azərbaycan Respublikasının Prezidenti Cənab İlham Əliyevin uzaqgörən siyasəti nəticəsində xalqımız pandemiyanın fəsadlarından əhəmiyyətli dərəcədə xilas oldu. Ölkə rəhbərliyi həm milli səviyyədə , həm də beynəlxalq səviyyədə pandemiya və onun doğurduğu problemlərə qarşı milli və qlobal səfərbərlik başlatdı. İnsanlarımızın sağlamlığına təhlükə yaradacaq bütün risklər minimuma endirildi. Yenə də aztəminatlı ailələr , pandemiyanın birbaşa təsir etdiyi sahibkarlıq subyektləri dövlət başçımızın diqqət və qayğısı ilə əhatə olundular. Neft qiymətlərinin kəskin ucuzlaşmasına baxmayaraq dövlətimiz pandemiyanın təsirini azaltmaq məqsədi ilə 3.5 milyard manat miqdarında - Azərbaycan tarixində ən böyük iqtisadi-sosial paket elan etdi. Beynəlxalq aləmdən heç bir yardım gözləmədən , öz daxili imkanlar hesabına on minlərlə vətəndaşımıza həm dövlət , həm də Heydər Əliyev Fondu vasitəsi ilə ünvanlı yardımlar edildi. Bu aksiya bütün ölkəni əhatə etməkdədir. Bu aksiyaların mütəşəkkil təşkilində birinci vitse-prezident Mehriban xanım Əliyevanın gərgin əməyini də , qeyd etməliyik .
Buna baxmayaraq Cənab prezidentin illərlə mütəmadi tövsiyyə və göstərişlərinə baxmayaraq onun siyasi xəttinə xəyanət edən , dövlətimizin sosial siyasətinə zərər verən , etimadı doğrultmayan məmurların fəaliyyəti də müşahidə edildi. Çox təssüflər ki, onlara göstərilən etimadı doğrultmayan bu cür xəyanətkarlar kasıb insanların ərzaq yardımlarına belə göz dikməkdən çəkinmədilər. Bu cür harınlamış məmurlar, dövlət vəzifələri etibar edilmiş, cənab Prezidentin sözləri ilə desək , quldurlar, dövlətin sərt üzü ilə qarşılaşdılar. Hüquq-mühafizə orqanları ictimaiyyətin gözü önündə ölkə rəhbərinin sarsılmaz siyasi iradəsini çəkinmədən icra etdilər . Qısa müddətdə bir sıra yerli icra hakimiyətlərinin başçıları həbs edildi , icra nümayndələrinin qanunazidd addımları ifşa edildi. Bu tədbirlər mərkəzi icra hakimiyyətlərinə qədər genişləndirildi. Vəzifə səlahiyyətlərindən istifadə edərək dövlət malına göz dikən Mədəniyyət Nazirliyinin , Dövlət Sərhəd Xidmətinin bir sıra məmurlarının həbs olunması bu mənada ölkə başçısının siyasi qətiyyətinin ifadəsi üçün uyğun nümunələrdir .
Azərbaycan Respublikasının Prezidenti Cənab İlham Əliyevin , xalqımızı bütün sınaqlardan çox böyük müdrikliklə üzüağ çıxarması , dövlətimizin inkişafı ilə bağlı yorulmadan fəaliyyət göstərməsi , cəmiyyəti narahat edən problemlərin üzərinə cəsarət və böyük dövlət adamına xas olan fərasətlə getməsi xalqımızın birmənalı olaraq öz rəhbərinin ətrafında sıx birləşməsinin məntiqi səbəbidir. Xalq prezidentə inanır , güvənir və etimad göstərir. Xalqımız cənab prezidentin , bütün cəmiyyətlər üçün problemə çevrilən , bizim cəmiyyətimizdə də yuva salan neqativ hallara qarşı mübarizəsini tam mənada dəstəkləyir və rəğbətlə qarşılayır. Hər bir məmur , hər bir vəzifəli şəxs isə anlamalıdır ki, etdiyi hər bir qanunsuz davranış Ulu öndər yoluna , cənab Prezidentin siyasi xəttinə ziddir, xəyanətdir. Biz Qubadlı ictimaiyyəti bəyan edirik ki, həmişə olduğu kimi , indi və sonra da Cənab Prezident İlham Əliyevin daxili və xarici siyasətini mütləq mənada dəstəkləmişik, dətəkləyirik və dəstəkləyəcəyik.
Uca Tanrı Prezidentimizi qorusun !
İmanov Savalan,
Qubadlı Rayon Xıdırlı kənd tam orta məktəbin direktoru.
